بازگشت
د غوایې ورځ
امین باوري امین باوري

بیا  د  غوایې  میاشت  راغله  !!!

پام  چي  د  دې  مبارکي  میاشتي  په  اړه   څوک  په  ورڼو ؟!!  پسي   څه   ونه  وایي  !!!

اخر  غوایې  هم  د  خدای  بنده ګان  دي  ؟!!!

په  نننئ  دیموکراته  ؟!  نړئ  کي  خو  هر  څوک  ورځ  او  هر  شئ   حق  لري  !!!  د  چا  مساوي  د  چا  دوه  برابره  څوک  تر  حق  لوړ  څوک  تر  حق  لاندي  ...  لنډه  دا  چي   ،  ورځ  او  د  هغې  د  تجلیل  حق  د  زور  او  طاقت  درلودل   کارول  او  د  فن  !   مظاهره  کول    دي  . د  خدای  (ج) په  بندګانو  کښي   تر  غوایي  بل  کم  داسي  بنده  سته  چي  زورور  ښکر   ،  لوی  خو  د  عقل  نه  خالي  سر  ، زورور  اندام   او  د  بادار    رسئ   ته  ،   وړ   غاړه   ولري  ؟. 

  تاسي  ګران  لوستونکي  د  نننئ  نړئ  پرمختللې  بڼه  له  پورتني  مثال  څخه  لیدلای  سئ  .  په  رشتیا  چي  نن  په  نړئ  کښي  انس  او  جنس  ورځ  لري   .  ښځي  ،  نارینه  ،  څاروي  ،  الوتونکي  ،  نیټې  او  داسي  نور  ...   له  ټولو  نه  جالبه  د  ورځي  تعریف  او  تفسیر  دئ  ، چا  ته  که  کومي  ورځي  چانس  راوړي  خو  بل  چا  په  همدی  ورځ  تاوان  کړی  او  کله  ناکله  خو  داسي  هم  سوي  چي  چا  په  تاوان  کي  چانس  راوړی  دئ  .

د  ۲۰۰۷  ع کال  د  هسپانیي  هیواد  د  غوایانو  په  ځغاسته  کښي  ډیری  منډي  وهونکي  تر  پښو  لاندي  سول  ، د  ځغاستي  ژوري  پلاوي  د  دې  پر  ځای  چي  غوایي  پړه  وګڼي  ،  دا  منډي  وهونکي  چي  نور  نو  د  پښو دریدلو  طاقت  نه  وو  پکښي  ،  پړه  او  له  مسابقی  نه  ویستل  .   خلګو  اعتراض   وکړ   چي  ،  غوایی  له  وخت  نه  وړاندي  د  غوجل  نه  خوشي  سول  او  خلګوو  ته  خبردارې  نه  وو  ورکړل  سوی  !  خو  ژوري  ځکه  نه  منل  چي  په  لوبه  کښي  ګټونکي  او  بایلونکي  خامخا  وي  ...!!!

   اوریدل  کیږي  چي  د  کابل  ښاریان  هم  ،  یو  ځل  بیا  د  غوایی   د  ورځي  د  تجلیل  او  تحسین  په  درشل   کښي  د  شنو غوایی  د انقلابیونو   د لازمي  پاملرني  وړ  ګرځیدلي  دي  .

  لاري  يي  تړلي  دي  ...  دا  ځکه   چي  *  دا  ځل  د  ژوري  پلاوي  مشر  تر  نورو  مشرانو ،  ځان   عادل  او  د  لوبو  پر  ګډونوالو  محربان  ګڼي  !!!  او  پریکړه  یي  کړی  ده  چي  که  ؛  ‎

 خلګ  د  غوایی  د  تجلیل  او  تحسین    لپاره  تیاری  اوس  وویني  ،  نو  د  غوایي  د  ورځي  په  رخصتئ  کښي  به  بیا  څه  کوي  ؟  او  همدارنګه  د  کابلیانو  په  پټه   د  خپلو  ښکرونو  او  لغتو  په  وسیله  کومي  ابادئ !!! چي  د  همدی  ورځي  په  ویاړ  تر  سره  سوی  وې  ...  خپلو  عسکرو  او  دوستانو  ته  وښییئ .

زه  خو  دا  کار  د  قدر  وړ  ګڼم  ، ځکه  چي  ؛   د  سیل  او  منظرې  په  وخت  کښي  لازمه  نه  ده  چي  کابلیان  خوږی  خاطری  ترخی  کړي  ؟!

 دلته  خو  لا  د  مساجدو  محرابونه  تر  اوسه  د  کعبی  خواته  نه  دي  راسته  !!! 

دلته  خو  لا  مزدور  او  غریب  کابلیان  د  جنت  له  خوږو  نه ، نه  دي  برخمن   !!!

دلته  لا  میرنئ  ورور  سته  چي  ګوانتنامو  ته   په   مجاني   سیاحت   ولاړ  سي  !!!

دلته  لا  د  ړندو  بم  غورځونکو   ته  ( لبیک ، لبیک ) ویونکي  سته  !!!    

دلته  لا  افغان  اولس  کله  ناکله  اخترونه  او   نوي  کلونه  لمانځي  !!!

دلته  لا  خلګ  انساني  ژوند  غواړي  !!!

د  نړئ  دغه  لړئ    ده ،   زموږ  مړئ.  .

17  /  04  /  2008

د  پیک  ښار  ،  بلجیم  

 


April 21st, 2008


  برداشت و بازنویسی درونمایه این تارنما در جاهای دیگر آزاد است. خواهشمندم، خاستگاه را یادآوری نمایید.
 
بازگشت
مسايل اجتماعي